Alcaldía
Alcalde
Adolfo Muíños Sánchez
adolfo.muinhos@concelloderianxo.es
Praza Castelao, 1
15920. Rianxo.
981 86 00 75
981 86 66 28
alcaldia@concelloderianxo.es
Tenencias de Alcaldía
Segundo Resolución de Alcaldía 913/2011 de 27 de xulo de 2011, en materia de nomeamento dos Tenentes de Alcalde, noméase aos seguintes membros da Xunta de Goberno Local na orde que se indica:
Carlos Gey Hermo
Adelina Ces Quintáns
Joaquín Domínguez Salgado
Acta da Sesión Extraordinaria Organizativa (Pleno extraordinario nº 12 de 30 de xuño de 2011)
Corresponde aos Tenentes de Alcalde, en canto tales, substituír na totalidade das súas
funcións e pola orde do seu nomeamento, o Alcalde, nos casos de ausencia, enfermidade ou
impedimento que imposibilite a este para o exercicio das súas atribucións.
Saúda do Alcalde
Benvidos e benvidas a esta xanela aberta do Concello de Rianxo. Dende o goberno local, que me honro en presidir, reciban un moi cordial saúdo. No que foi o noso compromiso coa transparencia e a participación veciñal a administración electrónica é unha ferramenta esencial chamada a xogar un papel crecente nas relacións da administración cos cidadáns.
Internet é unha porta aberta para relacionarse coa administración local: veciños e veciñas, autónomos, empresas... procuran nas páxinas institucionais unha solución aos problemas, informarse, facer un trámite, achegar un petición ou transmitir unha queixa. Iso ademais de ser unha achega virtual a un concello cheo de beleza paisaxística e natural, de riqueza patrimonial e cultural, que deu en que se lle alcumara de Atenas da Arousa, pois Rianxo foi un fervedoiro das letras e do pensamento do noso país. Tamén un municipio que conta cun parque empresarial de recente creación preparado para acoller emprendedores/as ao pé da autovía do Barbanza e que garantirá, agardamos, un futuro próspero.
Queremos que a nosa páxina sexa próxima, útil, progresivamente unha oficina aberta as 24 horas e que, comodamente desde a pantalla do computador na casa, na escola, no centro cultural, nos centros de traballo, permita coñecer e relacionarse co Concello de Rianxo, abrindo as portas de servizos municipais, dos representantes políticos, de procedementos administrativos, de información básica sobre o municipio.
Convídolles a entrar nesta web e avanzar connosco no camiño de transformación e modernización, para estar cada vez máis e mellor ao seu servizo.
Adolfo Muíños Sánchez
Alcalde de Rianxo